АФОРИЗМИ 15 - ЗБУНЕТ

(за повеќе кликни на насловот)

Интересен може да биде само човек од интерес додека има интерес од тебе.

Љубовницата е таква каква била жената пред да се земете.

Ако правиш нешто тогаш си нешто, ако не правиш ништо тогаш си ништо.

Интелигенција е бавча од каде береш она што си го посеал, но не пуштај секого на доверба внатре оти може да ти изврши нужда.

Како што дресираме кучиња да мислат дека се скоро луѓе, така дошле некои луѓе и не’ издресирале нас мајмуните да мислиме дека сме скоро луѓе.

Фобија е да се плашиш од нешто од кое никој не се плаши.

Ако немаш педигре ќе мораш да правиш натпросечни напори за да ги достигнеш просечните со педигре.

Работите се такви какви се оти си таков каков си и оти си таму каде што си.

Нашата вредност најчесто ја мерат безвредните.

Безвредниот високо се вреднува иако не е способен да биде уверлив во тоа.

Не е толку страшен стравот колку е страшно ако се посереш од страв.

Најчесто сме осамени затоа што ги игнорираме тие што сакаат да се дружат со нас, а нас не’ игнорираат тие што сакаме да се дружиме со нив.

Тие со кои сакаме да се дружиме ги сметаме дека се како нас, а тие не’ сметаат како да сме исти како оние со кои не сакаме да се дружиме.

Да бидеш културен значи да бидеш спремен да останеш и гладен.

Секси е квиз “ Покажи што имаш “, а секс е “ Покажи што знаеш “.

Ако се сметам за гревче утепано, за што да го сметам тој што ми завидува ?

АФОРИЗМИ 15 - ЗБУНЕТ

АФОРИЗМИ 15 - ЗБУНЕТ

АФОРИЗМИ 15 - ЗБУНЕТ :: Comments