АФОРИЗМИ 41 - ЗБУНЕТ

(за повеќе кликни на насловот)

Разочарувањето знае да биде прав благослов затоа што тогаш илузиите изумираат испаѓајќи како вошки кои до тогаш чешале.

Жена сака љубов по секоја цена, макар и незаборавна лага.

Прво ја шармира твојата машкост и тврдоглавост, а потоа ја иритира твојата бесчувствителност и себичност иако за истото се работи.

Жена во високи чизми и фармерки личи на рибар, со кратка сукња и чизми личи на рипка.

Кога си живеел во минатиот живот? Оној период кој те привлекува.
Мене лично ме привлекува иднината.

Чии гаќи жената пере само тој си го сака. Другога може само да лаже. Доказ си е доказ.

Жените можат да носат волнен елек на голо, оти не им смета боцкањето.

Планетата земја ќе биде живеалиште на луѓето додека трае моногамијата. По тој период ќе бидат спремни да се вивнат кон вселената затоа што таму има и други.

Втор си, значи постоиш. Првиот е минато.

За да останеш млад со духот со неа треба да се однесуваш како да не си видел женско до сега.

Таа што неќе со тебе значи не знае што сака затоа што ти знаеш што сакаш.

Докажано е дека папучите ствараат чувства кај мажите.

Жените толку многу се трудат на изгледот на облеката, а ние ги замислуваме соблечени. Навистина не сме фер.

Жените замислуваат принц на белиот коњ да им дојде и потоа велат мажите покасно созревале.

Несреќа е кога среќата ќе ти рече “ Не!“

Кога имаш нерешлив проблем оставаш на времето да го реши, а времето најчесто помага со заборав.

Членовите на владеачката партија велат дека ни’ е поарно, а ние не. Тука некој лаже.

Додека власта е над разумот, разумот ќе биде опозиција што никако не значи дека сегашната опозиција ќе биде разумна доколку дојде на власт.

Ти си главниот глумец во твојот филм чиј жанр сам го бираш.

Завидлив значи невидлив покрај тебе.

Среќата е ретка како златото, но ако ја има премногу и’ паѓа цената.

Тие кои го изневеруваат својот партнер всушност го штедат.

Провокација е инспирација.

Кого сакаш, се обидуваш да го разбереш за да разбереш зошто го сакаш. Често ни двете не се можни.

АФОРИЗМИ 41 - ЗБУНЕТ

АФОРИЗМИ 41 - ЗБУНЕТ

АФОРИЗМИ 41 - ЗБУНЕТ :: Comments